م. مصعب عطية

ورشات م. مصعب عطية

ابنِ مشروعك بإيدك

استثمر بحالك — ابنِ المشروع بإيدك بدل ما تشتريه جاهز. اتعلّم الأساس، وبعدين اطلع مستوى.

الدفعة الجايةشوف المسار
التسجيل مفتوح

مخيم تجهيز الخريجين: من مشروع التخرج لأول وظيفة

دفعة كانون الأول 2026

البداية
الاثنين 21 كانون الأول 2026
الأيام والوقت
الاثنين والأربعاء، 7:00 – 10:00 مساءً بتوقيت الأردن
المدة
6 أسابيع · 12 لقاء · 3 ساعات للقاء
الحضور
أونلاين — Microsoft Teams
السعر
150 دينار أردني
طريقة الدفع
CliQ

أول لقاءين تجربة بدون دفع؛ إذا كمّلت بتدفع 150 دينار عن طريق CliQ بعد اللقاء الثاني؛ ما في استرجاع بعد الدفع.

أيام اللقاءات ممكن تتغير حسب الجروب، وبنبلّغكم قبلها بوقت كافي.

سجّل الآنعندك سؤال؟ راسلنا على تلغرام

مسارك من الصفر لمشروع حقيقي

  1. نقطة البداية

    بتعرف أساسيات برمجة بأي لغة، بس ما عمرك بنيت مشروع كامل لحالك.

  2. المستوى 1: مخيم تجهيز الخريجين

    6 أسابيع أونلاين (12 لقاء × 3 ساعات): Git، C# و ASP.NET Core Web API، SQL Server بـ ADO.NET، HTML/CSS/JS، ونشر على IIS.

  3. مشروعك الأول الحقيقي

    مشروع Full Stack مبني بإيدك، على GitHub وشغّال على سيرفر. بنفع كمشروع تخرج، أو بالـ CV، أو كبداية فريلانس.

  4. المستوى 2: هيكلة احترافية (قريباً)

    EF Core، Repository و Unit of Work، Dependency Injection، و Frontend Framework.

  5. الخطوة الجاية إلك

    تقديم على وظائف Junior، مشاريع فريلانس صغيرة، أو تطوير مشروع التخرج. الشغل والتقديم عليك، واحنا بنعطيك الأدوات والمراجعة.

المستويات

كيف بنتابع معك؟

  1. كل لقاء

    أول 10-15 دقيقة مراجعة الواجب. الواجب بيتسلّم قبل اللقاء كـ commit أو Pull Request على GitHub.

  2. محطات المشروع

    تحليل المتطلبات وتصميم قاعدة البيانات، بعدين الـ API شغّال، بعدين الواجهة مربوطة، وآخر شي المشروع منشور مع README مرتب. كل محطة إلها مراجعة مكتوبة.

  3. المراجعة النهائية

    عرض قصير للمشروع + تقييم حسب معايير واضحة من أول يوم + 3 ملاحظات مكتوبة: نقطة قوة، شي لازم يتصلّح، والخطوة الجاية.

ليش "ابنيه بإيدك"؟

  • المشروع الجاهز بيخلص يوم التسليم. ما بتقدر تشرحه بالمناقشة ولا بالإنترفيو، وما بتقدر تعدّل عليه.
  • المشروع اللي بنيته بإيدك بتفهمه سطر سطر، بتدافع عنه، بتطوّره، وبتحكي عنه بثقة.
  • الفرق مش بالمعلومة، الفرق بالمهارة: إنك تقعد قدام مشكلة جديدة وتعرف من وين تبدأ.

كيف بتنتقل بين المستويات؟

  1. ابدأ بالمستوى 1 إذا ما بنيت API و قاعدة بيانات وواجهة بإيدك قبل.
  2. بعد ما تخلّص مشروعك وتنجح بالمراجعة النهائية، بتكون جاهز للمستوى 2.
  3. إذا عندك خبرة سابقة، ممكن تبدأ من المستوى 2 بعد ما نشوف مشروع سابق إلك.

شو ما بنوعدك فيه

  • ما بنوعدك بوظيفة. بنوعدك بمراجعة جدية لشغلك وبطريق واضح.
  • ما في مشروع بيطلع بدون شغلك انت: الواجبات جزء أساسي.

أسئلة شائعة

كيف بسجّل؟

من نموذج التسجيل على الموقع (زر "سجّل الآن" بصفحة المستوى). بنرد عليك على الإيميل برابط Teams قبل البداية، وأول لقاءين تجربة بدون دفع. إذا كمّلت بتدفع عن طريق CliQ وبنضيفك لجروب التلغرام الخاص بالدفعة.

بتضمنولي وظيفة؟

لا. ما في حدا بيقدر يضمن وظيفة بصدق. اللي بنقدمه: مهارة عملية، مشروع حقيقي على GitHub، ونصائح كيف تعرضه بالـ CV وبالإنترفيو.

في شهادة؟

بالمستوى 1 لا، ما في شهادة. شهادتك هي مشروعك: مرفوع على GitHub، شغّال على سيرفر، وانت بتقدر تشرحه.

أونلاين ولا حضوري؟

المستوى 1 أونلاين بالكامل على Microsoft Teams.

شو لغة الشرح؟

العربي، والمصطلحات التقنية بتضل بالإنجليزي (زي Git و REST API و ADO.NET) لأنه هيك بتلاقيها بالشغل.

إذا غبت عن لقاء؟

اللقاءات مباشرة (Live) بس، وما في تسجيلات. إذا غبت، انت المسؤول تلحق: تحل الواجب، تتابع الـ repo، وتسأل على التلغرام إذا وقفت عند شي.

عندك سؤال؟

احكي معنا على التلغرام وبنرد عليك.

تواصل على تلغرام